Consumer

Incandescent Bulb (IB) Paga Ilisdan sa DOE ug Compact Fluorescent Lamp (CFL) sugod karong Septembre

Incandescent Bulb (IB) Paga Ilisdan sa DOE ug Compact Fluorescent Lamp (CFL) sugod karong Septembre 15 ning Tuiga Pinaagi sa ZAMSURECO-I 

Ang mga Incandescent Bulb (IB) pagailisan na ug mga Compact Fluorescent Lamp (CFL) sa Department of Energy (DOE) pinaagi sa ZAMSURECO-I sugod karong Septembre 15 ning tuiga, pinaagi sa usa ka launching ceremony nga ipahigayon sa tulo (3) ka mga Area offices sa ZAMSURECO-I, didto sa Area-I sa Switch, Ramon Magsaysay ug sa ZAMSURECO-I Action Center (ZAC) office sa Molave,  sa Area-3 office sa San Miguel, Zamboanga del Sur ug sa Area-2 office dinhi sa Alano Street, ning dakbayan sa Pagadian ug ingon man diha sa Gaisano Capital.. 

 Usa kini ka programa sa gobyerno pinaagi sa Department of Energy sa pag pang ilis sa mga Incandescent Bulb, kanang init ug pulahon nga siga,  ug kini  paga ilisan ug Compact Fluorescent Lamp, kanang dili init ug pution nga, siga gumikan sa upat (4) ka mga katuyoan. 1) Pagsalbar sa kinaiyahan nga mamenosan ang global warming; 2) makadaginot sa balayronon sa konsumo sa koryente matag bulan; 3) makadaginot sa gikinahanglan nga supply sa koryente gikan sa tinubdan; ug 4) makadaganot sa ipalit ug bombilya kay ang maong CFL dugay man ma ponder.  

Ang makapahimulos sa maong programa mao ang mga Residential Consumers lamang nga nagkonsumo ug 100 kilowatthour ug paubos. Ang wattage nga pagailisan gikan sa 25 watts hangtod 60 watts lamang. 

 Adunay ipahigayon nga caravan matag lungsod pagpahibalo nga sugdan karong Septembre 15 ning tuiga, nga mao ang launching ug sugod pag pang-ilis sa mga incandexcent lamp. Kini didto himoon sa mga Area offices sa ZAMSURECO-I. Sa Area-1 didto ilisan sa opisina sa Switch, Ramon Magsaysay ug sa ZAMSURECO-I Action Center (ZAC) sa Molave, Zamboanga del Sur. Samtang didto sa Area-3, adto kini pagailisan sa opisina sa San Miguel, Zamboanga del Sur. Dinhi sa Area-2, dinha pagailisan za Central Office, sa may Alano Street ning dakbayan ug didto sa Bayad Center sa Tiguma, Pagadian City.  

Sa inyong pag pailis dalha lang ang resibo sa suga sa bulan sa Hulyo ning tuiga. Alang sa dugang kasayuran kabahin niini maminaw lang sa radio program sa ZAMSURECO-I sama sa DXPR matag Martes alas 6:30 hangtod alas 7:00 sa buntag, DXBZ Radyo Bagting sa adlawng Martes gihapon alas 8:30 hangtod alas 9:00 sa buntag. Ingon man sa Radyo Natin Hot FM sa Molave matag Sabado, alas 6:30 hangtod alas 7:00 sa buntag ug sa Radyo Natin Margosatubig matag Sabado, alas 8:30 hangtod alas 9:00 sa buntag.  

Gihangyo ang tanang mga konsumante sa pagdali pag pa ilis kay kini sugdan Septembre 15 ug hangtod Oktubre 31 lamang ning tuiga.


You are here: Home News & Updates Latest News Consumer 2010 Consumer News