“Covid-19 hiniusang aksyon sa mga 121 electric cooperatives sa pilipinas pinaagi sa paghatag ug libreng koryente alang sa mga marginalized lifeline member-consumer owners, qualified senior citizens ug pagkunhod sa balayranan sa koryente alang sa mga non lifeline member-consumer owners niining bulan sa abril 2020 (konsumo sa koryente sa adlaw sugod sa musunod:

• MARCH 27, 2020 TO APRIL 26, 2020
• MARCH 28, 2020 TO APRIL 27, 2020
• MARCH 29, 2020 TO APRIL 28, 2020
• MARCH 30, 2020 TO APRIL 29, 2020
• MARCH 31, 2020 TO APRIL 30, 2020
• APRIL 1, 2020 TO MAY 1, 2020
• APRIL 2, 2020 TO MAY 2, 2020

(Tungod sa gipatuman nga lockdown restrictions matag adlaw nga domingo, adunay extension hangtod sa petsa mayo 5, 2020)”

ALANG SA AMONG MGA TINAHOD NGA MGA MIYEMBRO-KONSUMANTE TAG-IYA SA ZAMSURECO-I:

TUNGOD SA NASINATING KALISOD SA TIBOOK KALIBUTAN, LAKIP NA ANG PILIPINAS, KAMI NAGAPAHIBALO KANINYO NGA ANG ZAMSURECO-I UBAN SA 120 ELECTRIC COOPERATIVES, PINANGOLOHAN SA PHILIPPINE RURAL ELECTRIC COOPERATIVES ASSOCIATION, INC. (PHILRECA), NATIONAL ASSOCIATION OF GENERAL MANAGERS (NAGMEC), ONE EC NETWORK FOUNDATION, FOUR (4) PARTYLISTS NGA MAO ANG AKO PADAYON PILIPINO, RECOBODA, APEC UG PHILRECA UBAN SA INSPIRASYON SA NATIONAL ELECTRIFICATION ADMINISTRATION NAGA LUNSAD NIINING “PANTAWID LIWANAG PROGRAM”. USA KINI KA CORPORATE SOCIAL RESPONSIBILITY PROGRAM NGA NAGAHATAG UG LIBRENG KORYENTE ALANG SA MGA MARGINALIZED LOW INCOME LIFELINE MEMBER-CONSUMER OWNERS NGA DIREKTANG NA APEKTOHAN SA COVID-19 PANDEMIC UG MGA MANDATOS SA ENHANCED COMMUNITY QUARATINE, COMMUNITY LOCKDOWN, STAY AT HOME UG UBAN PA DIIN DAGHAN ANG NAWAD-AN UG TRABAHO UG INCOME NIINING PANAHONA.

LIBRENG BALAYRANAN SA KORYENTE:

Ang zamsureco-i miduyog sa kalisod nga nasitani sa mga katawhan dinhi sulod sa frankisa sa cooperatiba tungod sa covid-19 crisis, busa ang buhatan sa zamsureco-i nagahatag ug libreng koryente sa mga residential lifeline consumers nga mi konsumo ug 25 kwh paubos niining bulan sa abril 2020. Wala nay balayran sa konsumo sa koryente niining bulan sa abril 2020.

Dugang pahibalo nga kining pantawid liwanag csr program sa zamsureco-i gipalapdan o gi expand pinaagi sa paghatag usab ug libreng koryente alang sa mga qualified senior citizens nga mikonsumo ug 100 kwh paubos niining bulan sa abril 2020. Wala nay obligasyon sa balayranan konsumo sa koryente ang atong mga pinalangga nga mga qualified sr. Citizens.

DISKWENTO SA BALAYRANAN SA KORYENTE:

Angay usab masayran sa tanan nga ang buhatan sa zamsureco-i mibati ug milantaw usab sa kaayohan sa tanan. Alang sa mga non lifeline customers nga mao kadtong mga residential customers nga mikonsumo ug 26 kwh pataas ug mga non residential consumers, aduna usab pagkunhod sa balayranan sa koryente nga php 0.0892 per kwh niining bulan sa abril 2020. Wala mo imposar ug lifeline subsidy ang atong zamsureco-i niining bulan sa abril isip suporta sa mga mcos, mga business establishments, industrial connections, government offices, ug uban pa nga naapektohan sa covid-19 outbreak.

Dugang pa gayod nga pagkunhod sa balayranan sa koryente, base sa advisory sa energy regulatory commission, gi suspende ang pag kolekta sa fit-all charge nga php 0.04 per kwh sa bulan sa marso ug abril 2020.

WALAY PAGPATONG UG SURCHARGE, WALAY PAG IMPOSAR UG DISCONNECTION SA ELECTRIC SERVICE CONNECTION

Dugang ayuda sa mga katawhan, sa makausa pa among balikon pagpahibalo nga ang zamsureco-i nagpatuman niining musunod:

• Mihatag ug lugway pagbayad sa konsumo sa koryente sa bulan sa marso 2020 nga mi due niadtong bulan sa abril 2020, unang lugway (#1) mao ang 30 diyas gikan sa due date, ang ikaduhang lugway (#2) adunay dugang extension sa pagbayad nga molungtad ngadto sa bulan sa july 30, 2020. Apan giawhag ang katawhan sa pagbayad pinaagi sa four (4) equal monthly installment o tagi-tagi  , #3 walay patong nga surcharge, ug #4 walay ipahigayon nga pagputol sa electric service connection sulod niining panahona.

• Ang konsumo sa koryente sa bulan sa abril 2020 nga mo due sa bulan sa mayo 2020, walay pagkolekta sa surcharge kon mobayad lapas na sa due date. Angay usab masayran sa tanan nga walay pagputol sa electric service connection niining panahon sa enhanced community quarantine ug general community quarantine.

• Sarado ang tanang bayad centers sa matag adlaw nga domingo tungod sa gipatuman nga lockdown sa zamboanga del sur.

Kini nga mga inisyatibo ug programa gihimo tungod ug alang sa hiniusang tumong ug tinguha sa paghatag ug maayong serbisyo sa katawhan. Sa makanunayon, ang zamsureco-i uban ug duyog alang sa kaayohan sa mga miyembro konsumante tag-iya dinhi sa zamboanga del sur ug ingon man sa don victoriano nga nahisakop sa misamis occidental.

Bisan pa niining nasinati nga covid-19 crisis, sa makausa pa, ang zamsureco-i mipadangat sa dakong pasalamat sa inyong makanunayong pagsuporta ug pagsabot.

Stay safe.

Kaninyo matinahuron,

JOSE RAUL A. SANIEL

GENERAL MANAGER/CEO